Followers

Monday, September 26, 2011

ഇസ്‌ലാം വാളിന്റെ തണലിലോ?

വാള്‍ ശക്തിയുടെ പ്രതീകമാണ്‌. അധികാരത്തിന്റെ പ്രതീകമായും അക്രമത്തിന്റെ പ്രതീകമായും അതിനെ കണക്കാക്കാറുണ്ട്‌. ഇസ്‌ലാമിനെയും വാളിനെയും ബന്ധിപ്പിക്കാന്‍ പലര്‍ക്കും വലിയ ഉത്സാഹമാണ്‌. വാളുകൊണ്ടാണ്‌ ഇസ്‌ലാം പ്രചരിച്ചതെന്നു തട്ടിവിടാന്‍ ചിലര്‍ക്കൊരു മടിയുമില്ല. വസ്തുത എന്താണെന്നന്വേഷിക്കാന്‍ അത്തരക്കാര്‍ മുതിരാറില്ലല്ലോ.



എന്നാല്‍ ഇസ്‌ലാമിന്റെ ചരിത്രം ശരിയായ വിശകലനത്തിനു വിധേയമാക്കിയ പലരും ഇസ്‌ലാം വാളുകൊണ്ട് പ്രചരിച്ചതാണെന്ന ആരോപണം നിഷേധിക്കുന്നുണ്ട്. തോമസ് ആര്‍ണാള്‍ഡ് ഇക്കൂട്ടത്തില്‍ ഒരാളാണ്‌. അദ്ദേഹത്തിന്റെ 'പ്രീച്ചിങ് ഓഫ് ഇസ്‌ലാം' ഈ വിഷയം പഠിക്കാനാഗ്രഹിക്കുന്നവര്‍ക്ക് നല്ലൊരു പാഠപുസ്തകം തന്നെയാണ്‌. ഈ കൃതി 'ഇസ്‌ലാം പ്രബോധനവും പ്രചാരവും' എന്ന തലക്കെട്ടില്‍ ഐ.പി.എച്ച് മലയാളത്തില്‍ പ്രസിദ്ധീകരിച്ചിട്ടുണ്ട്.



ഇസ്‌ലാമും വാളും തമ്മിലുള്ള ബന്ധം നിഷേധിക്കുന്നവര്‍ പോലും മൌദൂദിയും വാളും തമ്മില്‍ ബന്ധമുണ്ടെന്നു സ്ഥാപിക്കാന്‍ വ്യഗ്രത കാണിക്കുന്നത് കാണാം. അതിനാല്‍ തന്നെ 'ഇസ്‌ലാം വാളിന്റെ തണലിലോ?' എന്ന മൌദൂദി കൃതി പഠനവും മനനവും അര്‍ഹിക്കുന്നതാണ്‌.



ഈ കൃതിയില്‍ മൌദൂദി എഴുതുന്നു:



"ഇസ്‌ലാം വാളുകൊണ്ട് പ്രചരിച്ചതാണെന്ന് ശത്രുക്കള്‍ പറയുന്നു. ചരിത്രം ഇതിന്നെതിരായാണ്‌ തെളിവ് നല്കുന്നത്. ആത്മാര്‍ത്ഥമായ പ്രബോധന പ്രവര്‍ത്തനങ്ങളായിരുന്നു ഇസ്‌ലാമിന്റെ വിജയത്തിനു നിദാനം. വാളിന്റെ ശക്തിയിലായിരുന്നു അതിന്റെ ജീവിതമെങ്കില്‍ വാളുകൊണ്ടു തന്നെ അതു നശിച്ചുപോവുകയും ചെയ്യുമായിരുന്നു. വിനാശകാരികളായ ഖഡ്കങ്ങള്‍ ഇസ്‌ലാമിനു നേരെ നടത്തിയ കനത്ത ആക്രമണങ്ങള്‍ അതിനെ നിര്‍മ്മൂലനം ചെയ്യുന്നതില്‍ വിജയിക്കേണ്ടതായിരുന്നു. പക്ഷെ, ആയുധങ്ങള്‍ കൊണ്ട് കീഴ്‌പ്പെടുത്തപ്പെടുമ്പോള്‍ പ്രബോധനം കൊണ്ട് വിജയം കൊയ്തെടുക്കുന്ന സംഭവങ്ങളാണ്‌ ഇസ്‌ലാമികചരിത്രത്തില്‍ നമുക്കു കാണാന്‍ കഴിയുന്നത്." (page 14)

..............



"ഇന്ത്യ(അവിഭക്ത ഭാരതം)യും ഇറാനും അറേബ്യയും ഈജിപ്‌തും എടുത്തുനോക്കൂ. അവിടെ മുസ്‌ലിംകള്‍ക്ക് ഭരണം പോലും കൈവന്നു. ഇവിടങ്ങളില്‍ ഇസ്‌ലാമിനു പ്രചാരമുണ്ടായത് വാളിന്റെ ശക്ത്കൊണ്ടാണെന്നു വേണമെങ്കില്‍ വിമര്‍ശകര്‍ക്കു പറയാം. നമുക്ക് ആഫ്രിക്കയുടെയും ചൈനയുടെയും മലായന്‍ ദ്വീപുകളുടെയും ചരിത്രത്തിലേക്ക് ഇറങ്ങിച്ചെല്ലാം. അവിടങ്ങളില്‍ ഇസ്‌ലാമിനു വാളുയര്‍ത്തേണ്ട ഒരു ഘട്ടവും ഉണ്ടായിട്ടില്ലെന്ന് ഏതു വിമര്‍ശകനും സമ്മതിക്കും. കൂടുതലായി വേണമെങ്കില്‍ താര്‍ത്താരികളുടെ രാജ്യങ്ങളും തുര്‍കിസ്താനും ഉദാഹരണമായെടുക്കാം. ഇവിടങ്ങളിലെല്ലാം സായുധരായ അധീശത്വശക്തികളെ ഇസ്‌ലാം നിരായുധമായി കീഴടക്കുകയാണുണ്ടായതെന്നു ചരിത്രം ഘോഷിക്കുന്നു." (Page 34)

...............



''ഒരു ഭാഗത്ത് താര്‍ത്താരികള്‍ ഇസ്‌ലാമിന്റെ കഴുത്തില്‍ കത്തി വെക്കവെ മരുഭാഗത്ത് ഇസ്‌ലാം അവരുടെ ഹൃദയങ്ങള്‍ കീഴടക്കുകയായിരുന്നു. തുര്‍ക്കികള്‍ ഇസ്‌ലാമിന്റെ കഴുത്തില്‍ അടിമച്ചങ്ങല ചര്‍ത്തിയപ്പോള്‍ ഇസ്‌ലാം അവരുടെ ഹൃദയങ്ങളെ അടിമപ്പെടുത്തുകയായിരുന്നു.'' (page 14)

..............



ഈ കൃതി ഇങ്ങനെ പലതും വായനക്കാരന്റെ ശ്രദ്ധയില്‍ കൊണ്ടുവരുന്നുണ്ട്. 63 പേജുകളിലായാണ്‌ (മലയാള വിവര്‍ത്തനം) മൌദൂദി ഈ വിഷയം വിശകലനം ചെയ്യുന്നത്. ഇത് വായിക്കുന്ന ഏതൊരു വിമര്‍ശകന്റെയും മനസ്സിനു തൃപ്തി നല്കാന്‍ അദ്ദേഹത്തിനു കഴിയുന്നുണ്ട്; ഇസ്‌ലാം വിരോധം കൊണ്ട് അന്ധത ബാധിച്ചവര്‍ക്ക് ഇതൊന്നും കാണാന്‍ കഴിയില്ലെങ്കിലും.

*********************************************

ഇസ്‌ലാം വാളിന്റെ തണലിലോ?

അബുല്‍ അഅ്‌ലാ മൌദൂദി

പ്രസാധനം:

ഇസ്‌ലാമിക് പബ്ലിഷിങ് ഹൌസ്

രാജാജി റോഡ്

കോഴിക്കോട്.

പേജ് 72

വില 40 രൂപ.

3 comments:

  1. "വാളിന്റെ ശക്തിയിലായിരുന്നു അതിന്റെ ജീവിതമെങ്കില്‍ വാളുകൊണ്ടു തന്നെ അതു നശിച്ചുപോവുകയും ചെയ്യുമായിരുന്നു"

    വാളിന്‍റെ കാലഘട്ടമൊക്കെ കഴിഞ്ഞില്ലേ ഇപ്പോള്‍ തോക്കിന്‍റേയും ബോംബിന്‍റേയും കാലമല്ലേ.അതിന്‍റെ ഫലം കാണാനുമുണ്ട് തലപ്പാവിലും താടിയിലിലും വരെ ബോംബുവച്ചല്ലേ ഇപ്പോള്‍ പുരോഗമനം. അന്ത്യനാളില്‍ ജോര്‍ദ്ദാന്‍ നദിയുടെ ഇക്കരെ നിന്ന് ജൂതന്മാരോട് പടവെട്ടാന്‍ ചെല്ലുന്ന വികലാംഗര്‍ക്ക് ജൂതന്മാര്‍ വികലാംഗപ്പെന്‍ഷന്‍ കൊടുത്ത് തിരിച്ചയക്കും.അന്നും കോയ ഇതു തന്നെ പറയണം വാളുകൊണ്ടല്ല മതം പ്രചരിഛതെന്ന്. അല്ല കോയ ചോദിക്കട്ടെ? ഏതെങ്കിലും ഒരു കാര്യത്തില്‍ നിങ്ങള്‍ക്ക് ഏക അഭിപ്രായമുണ്ടോ വള്ളിപുള്ളി തെറ്റാത്ത കിത്താബുണ്ടായിട്ടും സ്വയംഭോഗം ചെയ്താല്‍ പാപമാണോ എന്ന് തീരുമാനിക്കാനാവാതെ അന്‍സാരിയും കൂട്ടരും അടികൂടുന്നു ഏതൊരു കാര്യത്തിലും ഇതു തന്നെ സ്തിതി ഇനിയിപ്പൊ അവരൊക്കെ മുസ്ലില്‍ം നാമദാരികളാണെന്ന് പറഞ്ഞ് തടിയൂരുന്നു ഒരുകൂട്ടര്‍.വാസ്ഥവത്തില്‍ ആശയപാപ്പരത്വം കൊണ്ട് പൊറുതിമുട്ടിയാണ് നിങ്ങളെല്ലാമിങ്ങനെ കിടന്ന് കടിപിടികൂടുന്നത്.കുട്ടിക്കതകളുടെ ലോകത്തുനിന്നും യാതാര്‍ത്ത്യത്തിലേക്ക് നിങ്ങളൊക്കെ എത്തിക്കാണാന്‍ താത്പര്യമുണ്ട്.

    ReplyDelete
  2. ''ഒരു ഭാഗത്ത് താര്‍ത്താരികള്‍ ഇസ്‌ലാമിന്റെ കഴുത്തില്‍ കത്തി വെക്കവെ മരുഭാഗത്ത് ഇസ്‌ലാം അവരുടെ ഹൃദയങ്ങള്‍ കീഴടക്കുകയായിരുന്നു. തുര്‍ക്കികള്‍ ഇസ്‌ലാമിന്റെ കഴുത്തില്‍ അടിമച്ചങ്ങല ചര്‍ത്തിയപ്പോള്‍ ഇസ്‌ലാം അവരുടെ ഹൃദയങ്ങളെ അടിമപ്പെടുത്തുകയായിരുന്നു.'' (page 14)

    ReplyDelete